Misioni i OSBE-së inkurajon gazetarinë profesionale dhe standardet e raportimit përmes ndarjes së çmimeve të përvitshme për gazetarët më të mirë në Kosovë

Më 12 dhjetor 2023, Misioni i OSBE-së mbështeti Asociacionin e Gazetarëve të Kosovës (AGK) në organizimin e Çmimeve Vjetore për Gazetari. Në emër të Misionit, ambasadori Michael Davenport i dorëzoi çmimin “Gazetari/ja i/e vitit 2023” gazetares së “Betimi për Drejtësi,” Alberta Hashani, për serinë e saj të hulumtimeve me titull “Mashtrimet në emër të avokatëve,” dhe gazetarit të Nacionales Vullnet Krasniqi për shkrimet e tij mbi skandalin “VISAMETRIC.”

Krahas kësaj, më 14 dhjetor 2023, Misioni mbështeti Asociacionin e Gazetarëve të Serbisë të regjistruar në Kosovë (AGSK) në organizimin e Çmimeve Vjetore për Gazetari. Ambasadori Davenport ia dorëzoi çmimin Ivan Miljkoviq, gazetar i portalit të lajmeve Riznica në Graçanicë, për radio-storien e tij të titulluar “Kur fjala shpërthen nga zemra.”

Ceremonitë e ndarjes së çmimeve shërbejnë si platformë për njohjen dhe vlerësimin e kontributeve të jashtëzakonshme në gazetari, duke përforcuar kështu rëndësinë e mediave të lira dhe të përgjegjshme.