Takimi i pestë i grave të shquara nga Beogradi dhe Prishtina

Më 26-27 mars 2015, Misioni i OSBE-së në Kosovë dhe Misioni i OSBE në Serbi organizuan takimin e pestë me radhë të grave të shquara nga Prishtina dhe Beogradi, në kuadër të Nismës “Follow Us”.

Gjatë takimit, i cili për herë të parë u mbajt në Prishtinë, u diskutuan hapat e mëtejmë në zbatimin e planit të tyre të përbashkët të veprimit. Pjesëmarrëset u pajtuan që të lansojnë dokumentarin “Follow Us,” të themelojnë një platformë të përbashkët blogu për çështje gjinore, dhe të organizojnë një Akademi Verore të Dialogut për 30 gra të reja nga të dy shoqëritë.

Gratë pjesëmarrëse theksuan rëndësinë e vazhdimit dhe zgjerimit të këtij procesi të dialogut.