Puna jonë

Misioni punon në nivel qendror dhe lokal për të përforcuar lidhjet brenda dhe midis institucioneve publike dhe për të çuar përpara pjesëmarrjen dhe përfaqësimin e grave dhe të rinjve. Gjithashtu përqendrohet në rritjen e kapaciteteve të organizatave të shoqërisë civile për të kontribuar në proceset publike dhe në forcimin e mediave dhe promovimin e lirisë së shprehjes dhe të mediave.

Promovimi i të drejtave të njeriut në Kosovë kërkon zbatim efektiv të legjislacionit ekzistues dhe standardeve ndërkombëtare në fuqi. Misioni përqendrohet në mbrojtjen e të drejtave të komuniteteve joshumicë, të drejtave pronësore, të drejtave gjuhësore dhe sundimit të ligjit. Misioni mbështet institucionet dhe palët e përfshira përkatëse në mbrojtjen e objekteve të trashëgimisë kulturore dhe për trajtimin e shqetësimeve që lidhen me lirinë e fesë ose besimit.

Misioni i ofron mbështetje institucioneve të sigurisë publike në trajtim të kërcënimeve të sigurisë si dhe krijimin e mjedisit të sigurt për të gjitha komunitetet në Kosovë. Ai përqendrohet kryesisht në mbështetjen strategjike dhe zhvillimin e kapaciteteve për institucionet e sigurisë publike për të rritur aftësitë e tyre të luftimit proaktiv të të gjitha formave të krimit.

Misioni punon në aspekte që lidhen me avancimin e barazisë gjinore dhe me promovimin e pjesëmarrjes aktive të të rinjve në jetën publike dhe politike që përshkojnë punën e bërë në të gjitha fushat e tjera të punës së Misionit.